Bagong kwento at may kasama pang reklamo...

Sa wakas, muli ko na naman nahawakan ang teklado ng computer at nagsusulat na muli sa aking pinakamamahal na blog!

Kasalanan lahat to ng bwisit na IT people ng BDO. Swapang kayo. Walang masama sa pagbo-blog! Baket kailangan ninyong iblock ito?! Nagagawa naman namin ang trabaho namin. Bandwidth ba kamo? Pusta ko kayo mismo ang kumakain ng bandwidth dahil sigurado akong panay ang online gaming ninyo sa opisina! Nagpadala pa ng listahan ang mga magaling ng mga empleyadong may pinakamaraming bawal na website na pinuntahan. Biruin mong nangunguna ako! Nakakatawa, bawal daw. Kung bawal, sana ay hindi na lang kami binigyan ng internet access. Mga tanga talaga.

Ayan, nailabas ko na ang galit ko sa IT people ng pinapasukan ko. Bwisit kasi sila.

Andito ako sa netopia sa cubao. Sa sobrang takam ko sa pagbo-blog, naginternet cafe na ako. Sobrang tagal ko na kasi hindi nakikita ang blog ko. Hindi ko na alam kung ano ang bago. Marami rami na rin ang dumaan. Salamat sa pagbisita at pasensya kung medyo tahimik dito ngayon. Sa oras na magkaroon na ulit ako ng internet sa bahay, araw araw na ulit magkakaroon ng bago dito, pangako.

Sa susunod, marami na ulit akong kwento. Sa ngayon, tigil na muna. Tumatakbo ang oras. Mahal ang pero ora dito. Hehe.