Duwag

Binata'y nakayuko at nakalugmok sa isang tabi
Pilit sumisiksik sa madilim na silid
Kamay ay mariing tinatakpan ang tenga
Mata ay nakapikit, bibig ay nakatikom
Tila nagtatago sa liwanag na gumagapang
Mula sa isang kakapiranggot na butas

Ang tawag na naririnig ay pilit na itinatanggi
Tinig na nag-uumapaw mula sa puso ay nilulunod
Ng karuwagang bumabalot sa katawan niyang lupaypay
Nagpalamon ng tuluyan sa kapangyarihan ng kahinaan
Wala ka na binata...
Wala na

Isinulat noong January 4, 1995 10:50PM