Kaibigan

Hindi basta basta nahahanap ang isang tunay na kaibigan. Ngayon ko napatunayan yan. Marami kang makikila, marami kang makakasama ngunit hindi lahat ay tunay kang matutunton. Karamihan sa kanila ay dumadaan lamang sa isang yugto ng iyong buhay. Sa pagtatapos ng yugto, kasama ring magtatapos ang inyong pagkakaibigan.

Ngunit mayroong ilan at piling tao na habambuhay na sasama sa iyong paglalakbay. Sa bawat pagpapalit ng araw, sa bawat paglipas ng gabi, sa simula at pagtatapos ng isang kabanata ng iyong buhay, kasama mo silang makikipaglaro’t makikipagbuno sa mga hamon nito. Matagal ko ng nakilala ang mga taong ito. Hanggang sa ngayon, sila ang humahawak sa aking kamay kapag madilim at masikip ang tatahakin kong daan. Sa inyo, maraming salamat. Mahal na mahal ko kayo.