Sabik sa Pagbabago

Nagkaroon na ba ng pagkakataong bigla mo na lang gusto magkaroon ng malaking pagbabago sa iyong buhay?

Ganyan ang nararamdaman ko ngayon. Parang may maliit na tinig sa ulo at damdamin ko na tila'y humihiling na baguhin ko naman ang pag-ihip ng hangin sa tinatahak kong daan. Hindi naman sa nagsasawa na ako. Nasa estado lamang siguro ako na pawang nalubos ko na ang mga bagay bagay at may panibagong daan na namang gustong lakbayin. Sa tingin ko'y handa na ako sa pagbabagong ito bagama't hindi ko pa ito napagnilayan ng husto. Sa katunayan, mukang ikagagalak ko pa nga ito.

Marahil mahirap unawain kung ano nga ba ang nais kong ipahayag. Sa ngayon, hindi pa siguro panahon na ito'y mailantad ngunit sa ngayon, ito ang tila umuukilkil sa aking isip at damdamin kaya't heto sya ngayon...isinusulat ko sa sisidlan ng aking buhay.