Nag-iinarte

Baket ba may mga araw na parang gusto ko lang mag-inarte at magpaka o.a.?

Today is definitely one of those days.

Sa mga araw tulad nito, para bang nawawala ako sa katinuan at wisyo. Mahirap maintindihan at mahirap pakibagayan. Nagpapahard to get. Nagpapacute. Baka raw kasi malapit na ang aking buwanang dalaw. Haha. Baka nga.

Hindi ko alam kung baket ako nagkakaganito. Siguro ay kulang lang ako sa pansin. Baka may gusto lang akong sabihin na hindi masabi. Baka may nararamdaman na hindi maipahiwatig. Ano pa man ang dahilan, hindi ko ata mapipigilang mag-inarte ngayon.

Malamang ay nakakairita ito para sa ilang taong makakahalubilo ko ngayon. Pasensya na. Sana'y mapagbigyan na lang ninyo ako. Minsan lang naman ito at hindi naman ako siguro gagawa ng bagay na maaaring ikagalit ng ninuman. Konting kiliti lang naman ito. Pampaanghang sa aking pagkatao. Kung matatanggap mo akong ganito, salamat. Tunay kang kaibigan.